學業不代表成就 蕭銘鴻憑硬氣闖出一片天

蕭銘鴻

ETG Holdings Limited行政總裁

2003計算機科學理學士(榮譽)畢業生


蕭銘鴻承認自己是個實際的人,基層出身的公屋小子,當年只望盡快畢業投身社會,分擔家庭經濟壓力。故此,他選科亦以「實際先行」,即使對計算機科學系毫無興趣,卻因「需要」而入讀,吃力至曾打算轉系,最後憑著一股硬氣順利畢業,並開創屬於自己的事業,「每個人都會失敗,失敗咪再嚟過,與其諗太多,不如快啲起返身啦」。

若問蕭銘鴻對電腦有沒有興趣?他會斬釘截鐵地說:「冇。」入讀浸大計算機科學系前,他從未修讀電腦,會選修此系,只因認為電腦知識有助日後搵工,「等同於營養,我唔鐘意食嗰樣嘢,但我要嗰種營養,所以我去食,係好實際嘅考慮」。

他坦言,起跑線上已輸給同學,讀得非常吃力。新生註冊日(Reg Day),同系師兄著他填寫聯絡資料,「有一欄要填嘅嘢我唔知填乜」,望到旁邊新同學填寫的資料,「我跟佢填埋一模一樣,嗰一欄,係要填email,我嗰時連email都唔知係啲咩」,情況正如他所言,「我係start from zero(由零開始)」。

首個學期GPA只有1.7,「收到學校official letter(正式信函),話如果再係咁,會畀人踢出校」。他曾直接叩門找教授欲轉系,教授卻說,他預科成績不算理想,選擇有限,倒不如繼續努力。

他有家庭經濟壓力,高峰期有4份兼職,不欲花太多時間在學業,只望能盡快投身社會,分擔家庭經濟壓力,便咬緊牙關繼續修讀,最後成功畢業,「同學嘅幫助係最大」。讀得辛苦,他卻說從未後悔選修,形容電腦知識是「社會上生存嘅工具」,其後他自立門戶創業,亦指在浸大學到的電腦知識有所助益。

拒回顧失敗 創業敢想敢做 

蕭銘鴻畢業後曾進入全球500大的企業工作,前景在同屆同學中算非常理想,惟無法適應辦公室政治,4年後毅然創業,「如果唔係多勞多得,或者能者居之嘅情況下,我想創造自己嘅空間」。

現時其創立的公司ETG Holdings Limited,主力做零售及保安設備,前者佔8成收入來源,涉及1000家零售店,包括開放式銷售商店門前設置的保安警報、以及電訊商在安裝在手機陳列品上的商品防盜系統等。他坦言,創業至今,有成功亦曾經歷失敗,「每個人都會失敗,失敗咪再嚟過,與其諗太多,不如快啲起返身啦」。

現時社會環境多元化,他認為,可從自己喜好出發,若有能力與他人競爭,便已構成創業元素。他提到,HKTVmall創辦人王維基是其偶像,王在《敢想.敢做》一書曾談及,開辦補習社時擁有不少客戶,更邀請自己的老師加入。蕭銘鴻說,自己現時亦有聘用當年的同學任公司IT顧問,「其實老師(浸大教授)肯嘅,我想請佢添」。

Copyright © 2021 All rights reserved