9歲獲浸大數學系破格取錄
沈詩鈞：數學之美在於簡單 生活如是
沈詩鈞
加州大學爾灣分校(UCI)客座助理教授
2011數學理學士(榮譽)及數學哲學碩士畢業生
9歲那年夏天，小男孩面對數學系4位教授聯合面試，要回答7條數學問題，他記得自己答中6題，隨即獲得入讀大學的資格。他是沈詩鈞，至今仍是香港史上最年輕的大學生。今年24歲，現職加州大學爾灣分校客座助理教授。詩鈞對數學的熱誠從未退卻，稱數學之美，在於簡單，生活亦然，說時更舉起手上那部舊式「摺機」電話，他認為簡單，才能專注。
沈詩鈞的故事，相信很多香港人都曉得，2007年他以9歲稚齡獲浸大數學系破格取錄。回望過去，詩鈞仍感慶幸，「梗係開心啦，嗰時我已經考完英國嘅高考，入唔到大學就要讀小學四年班」。浸大度身訂造的5年學士及碩士課程，他僅用4年完成，其後赴美國德州農工大學(Texas A&M University)攻讀博士學位。畢業後先後於名校加州大學洛杉機(UCLA)及爾灣(UCI)分校任教，今年中將到瑞士蘇黎世理工學院(ETH Zürich)繼續做研究。
強調並非天才 靠後天栽培及努力
外界形容沈詩鈞是「神童」，他一再強調自己並非天才，不希望努力被抹煞，「我唔係天生就好叻，我讀小一時成績都係中下，係後天得到父母哥哥悉心栽培，老師的幫助同自己努力先達到」。他說，每個人都有長處，自己只是找到所長，且非常努力及投入。為解答數學難題，他有時廢寢忘餐，年紀小小已在浸大圖書館，由下午待到晚上9時還要過海返屋企，「我父母唔放心架，但我堅持囉，啲功課係要做到咁夜」。他亦非科科出色，電腦科曾經不合格，體育選了太極，背熟了所有動作，卻因動作速度太快，老師認為未得太極神髓，成績不甚理想。
因著年齡差距，詩鈞坦言當年無法與同學分享生活瑣事，但卻享受能一同解題，「有時啲功課好難，係圖書館同同學一齊諗，諗幾個鐘都解決唔到一個問題」，他指浸大的教授、職員、以至同學均甚友善，慶幸自己在學期間從未遇到排斥。他亦提到，其後到美國進修，首學期成績名列前茅，反映在浸大所學的基礎「係有國際水準」。
只用舊式手機 專注數學研究
詩鈞至今仍沉醉於數學，認為數學之美，唯在簡單，「數學嘅靚呢，係好簡單嘅問題，幾行字就解釋到，但可能要幾百年先諗到解決方法，需要幾個數學範疇加埋，非常有挑戰性」。
其生活哲學亦如數學，崇尚簡單，坦言在UCLA任教5年，從未去過市中心，手機亦只用不設觸控螢幕的舊式「摺機」，「生活簡單啲啦，用而家啲電話，一陣就響一下咁」。談到讀書秘訣，他笑著展示手機，「用吓呢部電話，會慳啲時間，真係會專心啲做嘢架」。
詩鈞並非不問世事的學者，離港多年仍留意本港新聞，「不過呢一、兩年都好少開嚟睇喇，都知結果點啦」。對未來人生規劃，更直言近年世界變化太大，「我好多嘢都睇唔清楚，或者過多幾年可能比較清楚啲，究竟成個世界嘅趨勢會係點樣」，稱暫時仍會專注於「 泛函分析（Functional Analysis）」及「概率（Probability）」的研究。
