環保意識萌芽於浸大 悔當年未於校園推動環保
馮詩麗
世界綠色組織項目發展助理經理
2008應用生物學理學士(榮譽)(環境科學)畢業生
認識馮詩麗的人，都知道她在環保議題上不遺餘力，既在環保機構任職，亦曾自發舉辦環保活動。不過，她並非一開始便關注環保議題，自言其環保意識萌芽於浸大修讀環境科學時，並扼腕在學期間，未曾於校園推動環保，建議同系師弟妹可作嘗試。
馮詩麗畢業於2008年應用生物學系，專修環境科學。同屆同學中，甚少人投身環保行業，她卻一頭栽進，自此沒有再出來。說起環保議題，她可以滔滔不絕，笑言朋友都不敢在她面前使用即棄外賣盒，「你幾咁鍾意身邊嘅動物、身邊嘅人都好，冇咗呢個環境，基本上你身邊所有嘅嘢都會冇晒」。
不過，她並非開初便關注環保，在浸大修讀黃煥忠教授及鍾姍姍博士任教的環境科學及廢物管理學科後，才產生一點興趣。畢業後任職環保機構，那團火才完全出來，「係出嚟做嘢，先用得返讀到嘅嘢」。
2012年她任職地球之友，揭發本港超巿每日丢棄大量將過期食物，引起社會極大迴響，便促使超巿將食物捐贈予有需要人士，「呢件係人生之中每次諗返起都覺得好開心嘅事」。她說，當年為迫使超市捐贈食品，半年內舉辦了不少活動，一方面與超市交戰，另一方面又與其他非牟利機構合作，呼籲市民「一人一電郵」要求超市回收食物，當時以過千封電郵「炸爆」某大型超市的郵箱，最終迫使超市捐出將過期食物，其行動更延續至今，「真係去做，先知道自己做到啲咩」。
現時疫情不免令環保議題受到打擊，她坦言，一般人「好少從心去做（環保）」，需靠政府制定政策，以賞罰方式施行，譬如即將推出的垃圾徵費，「香港係好得意架，唔知點解大家成日都覺得，掉垃圾係免費嘅，但其實真係唔係免費」，當中涉及人力、環境及運輸等資源。她亦感嘆，若相關政策於10年前推出，「香港可能係另一番境況，堆填區唔洗extend（擴建）兩次囉，時間係追唔返架喇」。
建議同系學生多作嘗試
在馮詩麗心目中，無法追回的，還有讀書時的日子。當年她雖然有擔任生物系學會幹事，但深悔自己未及發現環保的重要，若時光倒流學生時期，「我一定會喺校園搞減廢」，包括增加三色回收桶的廢物回收量，以及推行減少食物浪費，「要喺呢個世界生活得更加好，有啲基本嘢不能忽略，不能改變世界，但至少可以改變呢個campus（校園）」。
她建議就讀環境科學的同學，應把握大學時期，發掘自己興趣，可到非牟利機構或相關環保組織實習，亦可申請資助於校園舉辦環保活動，「修讀呢科，真係可以嘗試多啲機會，有呢啲經驗，成個過程都得益好多」，慨嘆自己當年「懵盛盛」錯失良機，「我好後悔嗰時冇做到」。
她又認為，現時社交平台發展蓬勃，推廣環保的方式亦趨多元，畢業生並非一定要加入環保組織，可嘗試用一、兩年時間創業，「自己去搞一盤環保嘅嘢」。
